Usikose kufuatilia mechi hizi kupitia mitandao yetu yote na vipindi vyetu vya radio na televisheni...

Algeria walipata ushindi wa bao moja kwa sifuri dhidi ya timu ya Senegal katika michuano ya finali hiyo iliyofanyika mjini Cairo.

Bounedjah alifanikisha mwanzo wa ndoto ya Algeria, katika dakika ya pili, golikipa wa Senegal Alfred Gomis aliyepitwa na mpira uliotinga katika nyavu ya goli lake.

Goli hilo lilitokana na mpira uliopigwa na Baghdad kumgonga mchezaji wa Senegal Salif Sane na kumpita nduki mlinzi wa lango la Senegal, Alfred Gomis.

Na hapo ndipo ilikuwa ni uthibitisho wa kutosha kwa mabingwa wa mwaka 1990 kuwa watachukuwa kombe katika mchezo wa ugenini kwa mara ya kwanza.

Rais wa muda wa Algeria Abdelkader Bensaleh naye aliwasili dimbani kushuhudia mchuano huo, jambo ambalo liliwapo moyo wachezaji wa timu yake.

Senegal, timu ambayo haijawahi kutwaa ushindi katika michuano ya AFCON walipewa penalti baada ya mchezaji wa Algeria kuunawa mpira lakini refa alibadilisha uamuzi huo.

Wachambuzi wanasema Senegal wakishiriki kwa mara ya pili katika fainali tangu 2002, walikuwa wakiwaelemea mahasimu wao katika kipindi kikubwa cha mechi.

Mchezo wa fainali kati ya Senegal na Algeria ulichezwa katika uwanja wa soka wa kimataifa wa Cairo, wakati uwanja ulifurika huku mashabiki mbali wakijitokeza kwa wingi kuja kuzishajiisha timu hizo.

Mwandishi wa VOA aliyeko Cairo amesema kuwa wakati wakiwa bado nje ya uwanja kuna mamia ya mashabiki waliokosa tiketi za kuingia uwanjani kwa sababu mpaka inafika jana tiketi zote zilishanunuliwa.

Mwanahabari huyo pia amesema akiwa jijini Cairo alipata kuzungumza na baadhi ya mashabiki waliokosa tiketi ambao ni raia wa Saudia Arabia.

Naye raia wa Misri aliefanikiwa kuingia kwa tiketi ya wadhamini, mapema masaa machache kabla ya mechi kuanza, shabiki huyo aliiambia VOA kwamba mashirika mengi ambayo ni wadhamini kwenye michuano hii walizinunua tiketi kwa wingi na kuzigawa mapema kwa watu mbali mbali wengi wao wafanyakazi wa mashirika hayo.

Ndani ya uwanja mashabiki ambao ni wananchi wa Misri waligawanyika makundi mawili wengi wao wakiishabikia timu ya taifa ya Senegal na waliosalia timu ya taifa ya Algeria.

Imetayarishwa na Waandishi wetu, Cairo, Misri

Asemavyo Leodger Tenga

Wachambuzi wa soka wanasema mechi ya fainali kati ya Senegal na Algeria itakuwa ngumu sana kwa sababu Algeria na ubavu wake wote tangu mwaka 1990 inataka kulichukua kombe hili tena ikiwa ni mara ya pili endapo wataishinda Senegal.

Na kwa upande wa timu ya taifa ya Senegal nayo inataka kuandika historia ya kunyakua kombe la AFCON mwaka 2019, na kuwekwa kwenye rekodi kama taifa bingwa barani Afrika japo watamkosa mchezaji wao muhimu kiungo wa kati Kalidou Koulibaly ambaye alipewa kadi mbili za njano katika mechi zilizopita ndani ya michuano hii.

Idhaa ya kiswahili ya Sauti ya Amerika (VOA) imemnukuu Mjumbe wa kamati ya utendaji ya CAF Leodger Tenga kwenye mazungumzo aliyofanya na Mwanahabri wetu Sunday Shomari jijini Cairo – akisema “ Koulibaly ni mchezaji mzuri hata ukimuona uchezaji wake …. kwa hiyo mimi ningefurahi kumuona, kwa sababu nataka wachezaji wazuri kabisa duniani wawepo kwenye fainali”.

Mshindi wa tatu

Kwa upande wa mchezaji John Obi Mikel mechi hiyo ndio itakuwa ya mwisho, ambapo ataagwa kiuchezaji, kwani ndio anastaafu kuchezea timu yake ya taifa ya Nigeria.

Mechi ya fainali

Kiwanja cha soka cha kimataifa cha Cairo ndani ya wiki hii kinahodhi mechi ya mwisho ya michuano ya AFCON 2019 ambayo ni mchezo wa fainali kati ya Senegal na Algeria ijumaa tarehe 19 Julai.

Mpaka muda huu vyombo vya usalama vimeshajipanga kiulinzi zaidi na mashabiki wa pande zote mbili nao wako tayari kufurika uwanjani.

Maandalizi

Hii ni ishara ya kuwepo maandalizi ya mchezo huo dimbani kama ilivyokuwa katika siku ya ufunguzi wa michuano hii ya AFCON 2019 tarehe 21 June au shamra shamra zake zikawa zaidi kuliko siku hiyo ya ufunguzi kutokana na kishindo cha fainali.

Imetayarishwa na mwandishi wetu, Cairo, Misri

Kwa mujibu wa AFP uamuzi huo ni wa kutimiza ni wa haki na wajibu ilisema taarifa ya chama cha soka nchini Misri baada ya kuwaangusha mashabiki. Akiongeza kwamba wajumbe wote wa bodi wameombwa kujiuzulu.

Matokeo ya mechi ya Jumamosi yalipelekea mshtuko mkubwa kwa mashabiki wapatao 75,000 katika uwanja wa Cairo pamoja na wananchi wa Misri kwa jumla wakishuhudia timu yao iliyokuwa ikipewa nafasi kubwa ikiangushwa kwa bao 1-0 na Afrika kusini.

Rida ameongoza chama cha soka cha Misri tangu tangu mwaka 2016, katika muda wote chama hicho kimegubikwa na misukosuko ikiwa ni pamoja na timu kutolewa mapema katiika michuano ya kombe la dunia 2018 katika hatua ya makundi.

Uwanja wa soka wa kimataifa wa Cairo uliokuwa umefurika watu na ngoma na matarumbeta yalikuwa kimya kabisa baada ya mchezo huo huku baadhi ya washabiki wakibubujikwa na machozi ya kutoamini kilichotokea.

Wengi waliduwaa na kutoka nje ya uwanja kwa muda wakiwa wanashangaa na wengine wachache wakimpigia makofi na kumtaja golikipa mahiri wa timu hiyo Ahmed El Shenawi anayechezea timu ya Al Ahly.

Imetayarishwa na mwandishi wetu Sunday Shomari, Cairo, Misri